წლევანდელი ნათლისღება ჩვენებურებმა სოფელ ავლევისა და ცერონისის (კონფლიქტის ზონის მიმდებარე სოფლები ცხინვალიდან რამდენიმე კმ–ში) მოსახლეობასთან ერთად აღნიშნეს. ნათლისღების წირვის შემდეგ ჩატარდა უფასო კონცერტი ადგილობრივი მოსახლეობისათვის. ღონისძიებას ორგანიზება გაუწია ავლევის ტაძრის წინამძღვარმა – დეკანოზმა გიორგი ნამგალაურმა. იხილეთ გალერეა

2012 წლის 22 სექტემბერს ლევილში ქართული სათვისტომოს დაარსების 90 წლის იუბილეს აღსანიშნავად გამართულ ღონისძიებაზე ჩვენებურების მიერ შესრულებული შეფიცულთა ჰიმნი აჟღერდა. ქართველი ემიგრანტების თვალსაჩინო წარმომადგენელმა – ოთარ პატარიძემ ლევილში საჯაროდ წაიკითხა ჩვენებურების მიერ სათვისტომოსთვის გაგზავნილი მილოცვის წერილი და ააჟღერა ეს უნიკალური სიმღერა.

2012 წლის 22 სექტემბერს საფრანგეთში, ლევილში აღინიშნება ქართული სათვისტომოს 90 წლის იუბილე. აღნიშნულ ღონისძიებებზე მიწვეულია ანსამბლი „ჩვენებურები“, რომელიც მსმენელის წინაშე წარდგება საკუთარი რეპერტუარით და ასევე შეასრულებს „შეფიცულთა“ სიმღერას.

2012 წლის 17 ივნისს ჩვენებურების წევრები იმყოფებოდნენ ივანე ჯავახიშვილის სახლ-მუზეუმში, სადაც შეხვდნენ ადგილობრივ ახალგაზრდობას და გაიმართა მცირე კონცერტი.

ინდოეთში საქართველოს საელჩომ დამოუკიდებლობის დღე და ინდოეთთან დიპლომატიური ურთიერთობების დამყარებიდან 20 წლისთავი აღნიშნა.

26 ნოემბერს ჩვენებურების ათი წლის საიუბილეო კონცერტმა რუსთავის თეატრში წარმატებით ჩაიარა.

15 ოქტომბერს გონიოში მოეწყო ფესტივალ არტ-გენის მონაწილე გამორჩეული ფოლკლორული კოლექტივების კონცერტი და დაჯილდოება. დაჯილდოების დასასრულს კი გაიმართა ანსამბლ ჩვენებურების სოლო კონცერტი.

22-31 აგვისტოს ჩვენებურები გასტროლებზე იმყოფებოდა უზბეკეთში მუსიკალურ კონკურსზე – "შარქ ტარონალარი", რომელიც უძველეს ქალაქ სამარყანდში გაიმართა.

ჩვენებურები ესტონეთის ქალაქ ვილიანდის საერთაშორისო ფოლკლორულ ფესტივალზე ორი სოლო კონცერტით წარდგნენ ესტონელი ხალხის წინაშე.

21 ივლისს არტ–გენზე ჩვენებურების სოლო კონცერტზე მაყურებლის რაოდენობის ერთ–ერთი უმაღლესი მაჩვენებელი დაფიქსირდა.

ინდოეთის დედაქალაქ ნიუ დელიში საქართველოს საელჩომ საქართველოს დამოუკიდებლობის 20 წლისთავი აღნიშნა.